انا هاحلم (على لسان امرأة عاشقة)

حبى ليك

مالهوش بداية او نهاية او زمان

انا الحلم اللى دوب كل عاشق

مهما كان

انا معنى كلام الحب

انا شريان

بيجرى جوة انحاءك

انا انسانة مش موجودة غير بهواك

انا داءك وترياقك

انا السلطانة والمحكومة والعاشقة

انا المفتونة والمجنونة والعاقلة

انا الزحمة ما بين صدرك

و انا وشم الهوى


مرسوم على قلبك


انا عاشقاك

هاعيش عشقاك ... هاموت عاشقاك

وهاحلم بس .... لو هاحلم

بانى معاك

عشان احلم

بانى لما هتكلم هتسمعنى

وان الحب جمعنا

وعشقى ليك ربط بينى وبين قلبك

بقيت عايش على

نبضى

ونظرة عينى وعيونك لهم معنى



انا بحلم

وسيب الحلم ياخدنى

وسيب عشقك يدوبنى

ما ياما حلمت اكون جواك

وداب الحلم جوايا

انا راضية اموت ف هواك

وازور بحرك واغرق فيه

عشان تبقى ف نهايتى

برضة ويايا

عشان تيجى ف صورة موج

وتلمسنى بشوق عالى

تعيش عمرى اللى ابتدى منك

تزور قلبى

تشوف حالى

تدوق احساسى وهوايا



انا بحلم

اكون صورة على كتابك

ماهوش ذنبى

بان العشق دوبنى

وخلانى من احبابك



انا بحلم

وهافضل برضة بحلم بيك

عشان انتة وجودى بجد

ماينفعشى اكون غير ليك

فا انا هاحلم