3 قصائد من افضل ماكتبت

الجمعة ديسمبر 03, 2010 12:33 am

قصيدة اعتزالى قانون (قانون حلبسة)
انا اعتزلت الشعر والضحك والشهادات
ماهوه اصل بلدنا مهيش بلد شهدات
بلدنا بلد الموزز والبانجو والخواجات
اجدع ما فيها الغرز والكلمة للستات
وتقولوا عنى اتهبل او حتى عقلى شاط
ارجع واقول البلد بقت بلد خوجاااات
بلدناليها العجب لكل شئ قصة
حتى الحديد اترفع بامر حلبسة
حلبسة ليه القول والخوف بقى عالفول
وانا ايه هيفضلى غير انى اعيش مهبول
حتى الهوا غلوه ..... يلعن تلاتة ابوه
ماهوه اصل البلد ماهيش بلد شهادات
فى بلدنا عيش منهوب ليكون قفاك معطوب
وساعتها يا شيبوب ..... سلملى على عنتر
سلملى عاللى اتولد وحلمه فى جبينه
كان حلمه ان البلد تكبر مع سنينه
ولما كبر الولد وحس حال البلد
قابل كبير البلد اللى انتة عارفينه
وشرحله حال البلد قام سبله بدينه
قاله
بتشرح ايه شرحك ده جابلى جنون
مسكت كرسى البلد لقيته كله ديون
والله واجب عليك انك تكون ممنون
ماهوه اصل البلد ماهيش بلد شهادت
طب ليه نسينا القدس ونسيناليه فلسطين
عايشين نخاف مالحبس ......... راضيين ومش عاجبين
ماهوه اصل البلد ماهيش بلد شهادات
ما انا اصلى مش عارف اضحك على حالى
ولا ابكى من حزنى
اكيد هاكون باكى مكسوف
على دمى ..... اكيد راح انسى البلد
وانسى الكلام فيها.........
يلعن تاريخ البلد عالى يعيش ليها
ما هوه اصل البلد ماهيش بلد شهادات
وارجع واقول البلد بقت بلد خوجاااااااااات

كلمات المصرى

يوميات مواطن كادح

بكيت فى يوم دمعه وحيده
ما انا اصلي بايت عالحديده
وفكل يوم دمعي يزيد
والقرش يبعد من بعيد
انا قلت نحسي ملوش مثال
محتاك لجني مالتقال
الجني قالي ابعد بعيد
لحسن هايخدونا فحديد
السعر عالي في كل سوق
والشغل قاصر عاللي فوق
انا قلت له والحل ايه
لاانا ماللي فوق ولا هبقي بيه
اكل زلط ........ امشي غلط
يحرم عليه عيش و حاف
ولا اني اغلط يوم واخاف
قاللي مالكش غير كده
يااما فوق ..... يااما تبقي علي الحديده
قلت الحديده اهون كتير
واهو ربنا عاطي وكبير
0000000000000000000000000000000000 000000
000000كلمات/المصري0000000000000000000
000احنابنحب الحكومه و مالوش لزمه الضرب0000

كلمات المصرى

ديك البرابر

يا ديك البرابر يا رافع رايات النصر
ياديك بالقوى ارحم برابر مصر
حبيبنا يا ديك مبارك عليك
هديت برابر مصر
خليت شبابنا اتهبل وشيوخنا لسعوا كمان
سعاد هتبقى امل صعاليك هيبقواحيتان
خليتنا ننسى العشى ونتخمد م العصر
خليت رجالنا نسا واجدع ما فينا كسر
ما انته يا ديك عمنا وعم كل الناس
واللى يقول غير كده تحت الجزم ينداس
مهو لو تبص يا ديك هتلاقى 100 انجاز
هتلاقى نانسى املنا وهيفا دى الاعجاز
ودينا هبلت عيلنا ووسطنا هزاز
ونقول كفايه كده يحرق ابوكو بجاز
تلقى الحشيش انتشر والبانجو بقى استاذ
ماانته يا ديك عمنا وعم كل الناس
واللى يقول غير كده تحت الجزم ينداس
مهو لو تبص يا ديك هتلاقى حالنا مرار
هتلاقى تبعك اوى وتبعنا الف حمار
هتلاقى شعب انكسر والعيشه صبحت نار
هتلاقى اب انتحر من ولعة الاسعار
ما انته يا ديك عمنا وعم كل الناس
واللى يقول غير كده تحت الجزم ينداس

كلمات -_-_-_المصرى -

ملحوظة القصائد دى من اول ما بدات اكتب يعنى بداياتى كانت
دول
فطبعا محتمل يطلع فيهم اخطاء او حاجة
لكن
انا بحبهم
لانهم فعلا نجحوا جدا جدا