حوار بين 2 مخطوبين بيحبو بعض جداااااااااااا

السبت أغسطس 07, 2010 9:11 pm

[size=25]حوار يجنن بين خطيب وخطيبته بيحبو بعض جدااااااااااا
الخطيب : بحبك (ياساتر)
الخطيبه: وانا كمان(داهيه تاخدك)
الخطيب:من اخر مره وانا بفكر فيكى(يارب تغورى من وشى)
الخطيبه:ياحبيبى وانا كمان مابطلتش تفكير فيك(الهى اصبح الصبح الاقيك متنيل بعيد عنى)
الخطيب:امال فين حماتى مش شايفها يعنى(الحربايه الكبيره)
الخطيبه:موجوده اندهالك(عشان تسم بدنك)
الخطيب:اه طبعا ياحبيبتى هو انا اقدر استغنى(يارب تتكعبل فى السجاده وهى جايه تتقطم رقبتها)
الخطيبه:ماما تعالى كلمى(على الله تقولك حاجه ترفعلك الضغط)
الخطيب:اهلا ياحماتى ازيك(الهى ماتكونى بخير)
الحماه:اهلا ياخطيب بنتى(بلا نيله)
الخطيب:عندى ليكو خبر حلو لقيت شقه(الهى ماتوعوا انتى وبنتك تشوفوها)
الحماه:الف مبروك ياحبيبى(ياما جاب الغراب لامه)
الخطيب:هنروح نشوفها بكره ايه رأيك ياحبيبتى(على الله تتكعورى على السلم وانتى طالعه)
الخطيبه:وماله طبعا لازم نشوفها(اكيد قد الحق وفى منطقه معفنه)
الخطيب:على فكره ياحماتى (جتك حمه)
الحماه:ايه ياخطيب بنتى(خطيب الشوم والندامه)
الخطيب:انا كنت عايز اقابل عمى عشان كتب الكتاب(قال عمى قال ده اتى اللى عمى)
الحماه:وماله يابنى بس مش لسه بدرى(جتك نيله مستعجل على ايه)
الخطيب:ماهو خلاص ياحماتى احنا قربنا(ياريت ترفض عشان افركش ام الجوازه دى)
الحماه:طيب يابنى لما يجى عمك هقوله(جتك نيله عشان نستريح من زيارتك الغلسه)
الخطيب:طيب ياحماتى انا همشى دلوقتى(افففففففففففف انا اتخنقت من الوليه دى)
الحماه:ماهو لسه بدرى(فى ستين داهيه)
الخطيب:باى ياحبيبتى(حبك برص)
الخطيبه:مع السلامه ياحبيبى(البلد اللى تودى)
الخطيب:كلمينى فى التليفون(يارب يقطعوا الحراره)
الخطيبه:اكيد ياحبيبى(غور بقا)
[/size]