تليفون الاحلام

الجمعة أبريل 03, 2009 11:11 pm

تليفون الاحلام

رن التليفون رنه

رفعت السماعه

و قلت ايوه

مين معايا

قالي

حبك يا منايا

قلت

حبك يا منايا!

قالي حبك جوايا

محفور في القلب

و له حكايه

و حبك ليا

فوق مستوايا

قلت ايوه

مين معايا

قالي

كل دا و مش عارفاني

داقلبك عمره ما نساني

و لا عرف له حبيب تاني

دا انا الحب الاخير و الأولاني

دا انت حبي و كياني

و حياه روحي ووجداني

لسه برده مش عارفاني

قلت ايوه

ايه الحكايه؟

قالي

شعرك فيه اسمي

و جوا قلبك فيه رسمي

لسه تايهه عن اسمي

قلت ايوه

مين معايا

قالي

كل كلامك ليا

و كل هيامك فيا

كل دا كتير عليا

قلت

كلامي و هيامي!مين عرفك بغرامي؟

قالي

حاسيته بكياني

و عرفته باشواقي و غرامي

مش هاتعرفيني بكياني

قلت

ايوه يا حبيبي

دا انت حياتي و نور عيني

انا اسفه لو تهت شويه

لكن الحق مش عليا

قالي

انا عارف اكيد عليا

قلت

بالطبع يبقي ايوه

و ما دام الحق مش عليا

عرف نفسك و بحريه

لجميع احباب البشريه

قالي

حاضر من عنيا

انا اللي مشيت مشوار كبير

في شارع الحب الخطير

و كنت تايهه في الخطايا

و مش عارف

ايه اخره ناديه معايا

و في معبوده الجماهير

رجعت لي شاديه من جديد

و حلو و كداب كان صدفه

قلت

ايوه و ايه كمان

قالي

انا رسبوتين الهمام

شيطان الحب و بدون كلام

و كازانوفا و فلانتينو كمان

بس كفايه يا سي سمسم

الكل عرفك يا مسمسم

قالي

ايوه كفايه نورك عليا

انا الاستاذ العظيم

حافظ لقبي

و اسمي عبد الحليم